- مطبخ ام وليد- كيكة المندارين و السميد رطبة و بنينة

المقاديــــــــــــر

مقادير الكيكة:

• 2 او 3 حبات مندارين
• 2 حبات بيض
• 1 كأس زيت
• 3/4 كأس حليب
• 1/2 كأس سكر
• 2 كأس سميد رقيق
• 1 خميرة الحلويات

مقادير السيرو:

• 2 كأس ماء
• 1 كأس سكر
• 1 حبة مندارين

التحضيـــــر:

نبدأ بتجهيز السيرو

نخلط كأس السكر مع 2 كأس ماء و حبة مندارين مقسومة على 2 و نضعهم فوق نار قليلة حتى يغلوا لمدة 10 دقائق

قبل بداية تجهيز الكيكة نشعل الفرن يسخن على 180 درجة و ندهن قالب فرن بالزيت و نرشه بالسميد رقيق

نقشر حبات المندارين و ننزع منهم الزوائد البيضاء و البذور

لتجهيز الكيكة نطحن بالـ bras mixeur البيض مع السكر و الزيت و الحليب و المندارين المقشرة حتى ينسجموا مع بعض

نضيف السميد و خميرة الحلويات مغربلين و نخلط كل شيء مع بعض بالملعقة حتى يصبح الخليط أملس

نفرغ الخليط في القالب و ندخله للفرن على 180 درجة حتى تستوي و تطيب الكيكة

بعد ما نخرجها من الفرن و هي ساخنة نفرغ عليها كامل السيرو بارد او دافئ و نتركها تتشرب و تبرد

نقلبها في طبق التقديم و نزينها بالمربى و قشور المندرين المعسلين و التزيين يبقى اختياري

فيديـــــــــــو الوصفــــــــــة: