حلويات جافة اقتصادية ( حلوة القوفريط ) - مطبخ ام وليد
: المقادير
- 250غ مارغرين طرية
- 1 خميرة الحلويات
- 1 م ص فانيليا
- 2 بيض
- 1/2 كأس شاي زيت
- 1 كأس سكر ناعم
- فرينة
- مقادير الغلاصاج:
- 1 قيس كاكاو بني
- 1 قيس سكر ناعم
- 1 قيس حليب
- 1 م ص مارغرين
- قوفريط
: طريقة التحضير
نخلط المارغرين مع الزيت و الفانيليا و السكر الناعم و البيض حتى ينسجموا مع بعض ثم نضيف الفرينة و خميرة الحلويات و نخلط, نواصل اضافة الفرينة على دفعات و الخلط حتى نتحصل على عجينة طرية
نشكل العجينة على شكل اصابع بنفس الحجم ثم نعمل فيهم شق من الاعلى بالسكين ثم نضعهم في صينية فيها ورق طهي و ندخلهم للفرن على 180 درجة حتى يطيبوا و يتنفخوا و يأخذوا لون ذهبي
لتحضير الغلاصاج نخلط الكاكاو مع السكر الناعم و الحليب ثم نضعهم فوق النار و نستمر في الخلط حتى ينسجموا ثم نضيف المارغرين و نستمر في الخلط حتى تذوب فقط و بدون ان يغلي الخليط
بعد ما تبرد الحلوة نغطسها في الغلاصاج بارد ثم نرمدها في القوفريط مبشور خشين ثم نتركها تجف
إرسال تعليق